Av Kristian   30.05.10
Søndagens sterkaste pappa blei kåra under Finn Fram dagen på Festningen søndag medan langt over 200 deltakarar sveiv rundt mellom ulike aktivitetar i fjæra og på land i ideelt turver.

Parkeringsplassane inne på festningsområdet blei for få då søndagens sterkaste pappa skulle kårast i Hestavikjo. Med to vassbøtter, ei i kvar hand skulle den sterke pappaen halda armane strakt ut frå sida så lenge han orka.
Fleire fedre var villlige til å påføra seg smerte denne vakre dagen i Hestavikjo på Tittelsnes. Ole Almås leia lenge etter tre skjelvande og smertefulle minuttar og ni sekundar. Men så kom Sigmund Skard og kneip førsteplassen med fem sekundar med ei vassbøtte på kvar strake arm.
Sjå fleire bilete frå Finn Fram Dagen

| Heile historien |

---

Av Kristian   19.05.10
Nytt orienteringskart over spennande og historisk turterreng rundt festningen på Tittelsnes opnar mange nye mulegheiter for aktivt friluftsliv.
Sveio Orienteringslag får siste helga i mai med seg mange andre lokale lag, som driv friluftsaktivitetar til ei felles familemønstring på Tittelsnes. Orienteringslaget teiknar innn ei enkel rundløype på det nye kartet over festnings-området. Langs rundløypa, som føl stiar og vegar, ligg det mange ulike aktivitetspostar der dei ulike friluftslaga viser seg fram og tilbyr aktivitetar og utfordrande oppgåver, som høver for heile familien.
Her kan du prøva skyting med luftgever, eller kasting med dyvåte svampar mot levande mål eller prøva kasting med fiskestong. Her blir hesteskokasting og volleyball, kviss og omvisnig med historiske tilbakeblikk på festningen, som tyskarane bygde tidleg i krigsåra.
Mellom slaga kan du få kjøpa grillmat, kaffi, saft og kaker og instruksjon i bruken av kart og kompass. Det kan jamvel bli sild og poteta å få kjøpt.
For deltakarane i dei ulike kokurransane kan det også vanka premiar.
I den idylliske Hestavikjo, like nedanfor festningen, vil det bli så flott ver denne søndagen at bading kan bli ein utveg. Nytt av året er i alle høve at dei seks søndagsskulane i Sveio har lagt si sommaravslutning til Finn Fram dagen og deltar med informasjon og aktivitet på sin tildelte post langs rundløypa.
Leiaren i Sveio Orienteringslag, Thomas Førde, kan også i år lova ei enkel o-løype der deltakarane skal få testa sine spurteigenskapar med digital tidtaking.
Desse laga deltar i år i Sveio O-lag sin Finn Fram dag: Sveio Turlag, Sveio Jeger og Fisk, Sveio Skyttarlag, Sveio Kystlag, Ørevik 4H, Sisu 4H og alle 6 søndagsskulane i Sveio.

---

Av Kristian   17.06.09
På kanskje den vakraste sommardagen hittil i år var det langt over 120 som orienterte seg fram til langs sjøkanten og i skogen på Liereid.

Sveio Orienteringslag saman med fem andre friluftslag i kommunen, inviterte søndag til Finn Fram-dag med aktivitetspostar på sjø og land. Deltakarane fekk ved start utdelt eit kart med avmerka åtte ulike aktivitetspostar.
På kvar post skulle deltakarane svara på spørsmål om kart og kompass, samtidig som dei ulike friluftslaga byr på sine særprega aktivitetar, informasjon og servering.
Sjå fleire bilete frå dagen her

| Heile historien |

---

Av Kristian   12.06.09

med friluftsaktivitetar for heile familien

Søndag 14. juni kl. 12 - 15 ved Liereid

Prøv mange uliker aktivitetar som

orientering, luftgeverskyting, lær ulike knutar, kasting med stong, roing  m.m..
Sal av sild, poteter, pølser, saft, kaker og kaffi.
Parkering ved skulen, bedehuset og langs vegen.
Arrangørar: Sveio Skyttarlag, Sveio Jeger og Fisk, Sveio Kystlag, Ørevik 4H, Bua-speidarane  og Sveio Orienteringslag.

PS. Sal av nye klubbdrakter til Sveio O-lags medlemmer mot kontant betaling.

---

Dugnad og gjester i paradis

Av Kristian   07.06.08
Forlokkande sommarvarme med ein ørliten kjølande bris då åtte ulike friluftslag i Sveio slo seg saman på dugnad søndag for å skapa ein uforgløymande friluftsdag i det paradiske friområdet Slettene ved Auklandshamn.
Fleire bilete frå Finn Fram Dagen 2008
Denne invitasjonen let ikkje folk gå frå seg. Nær 200 strøymde til aktivitetstløypa. Hit kom dei unge og dei litt eldre, foreldre, besteforeldre, småbarn og ungdom. Nokre i baranevogn medan andre støtta seg på staven sjølv om det berre var for å få ekstra treningseffekt gjennom ”nordic walking”.

| Heile historien |

---

Sommarleikar i det fri av Kristian i kategori Finn Fram Dagen 25.05.08
O-løype med smell i av Kristian i kategori Finn Fram Dagen 17.07.07
Skyting og orientering i same løype av Kristian i kategori Finn Fram Dagen 29.05.07
Finn Fram dag i sommarsol av Kristian i kategori Finn Fram Dagen 19.06.06
Finn Fram Dagen 2006 av Kristian i kategori Finn Fram Dagen 07.06.06
Finn Fram -testen 2005 og Kaffipost Høst 2005 av Kristian i kategori Finn Fram Dagen 04.09.05
250 deltok i Finn Fram dagen i Auklandshamn av Kristian i kategori Finn Fram Dagen 15.06.05
Sommarleikar på Finn Fram dagen 29. mai av Kristian i kategori Finn Fram Dagen 16.05.05