Av Kristian   16.06.13


Fantastisk sommarver med ein himmel over Ryvarden fyr som tevla med havet om å tiltrekkja seg mest venleik og merksemd.
I denne sjeldne flotte ramma kom ein jamn straum av turgåarar vestover mot Ryvarden kulturfyr. Straks før turfolket kom fram til fyret blei dei møtte av maskotten Trygve Trygg saman med fleire representantar frå Sveio O-lag.
Mange av dei yngste deltakarane ville svært gjerne helsa på Trygve Trygg. Men nokre av dei aller yngste viste likevel ein viss skepsis til den utkledde og ukjende.

Rundløype med servering
Alle turgåarane fekk tilbod om å prøva seg i ei rundløype med innlagte postar som hadde o-tekniske oppgåver. Langs Finn Fram-løypa var og aktivitetspostar og lett servering.
Mellom Aktrivitetane var skyting med luftgever og sprintløype med tidtaking. Her kunne gamle og unge få teksta sprintforma. O-laget sine tidtakarbrikker blei nytta til å måla kven som var raskast rundt løypa.

Etterpå kunne deltakarane kjøpa Ørevik 4H sine nygrilla villmarkspølser og Sveio O-lag sine kaker med kaffi eller saft attåt.

Premiar
Alle som leverte inn rett svar på oppgåvene frå den o-tekniske prøvinga i Finn Fram-løypa, blei med i trekkninga om kjekke premiar. Her vann Sigurd Kalkvik, Adrian Grinde og Sebastian Worum Andersen dei tre oppsette premiane.
I loddtrekkinga blant deltakarane i sprintløypa vann Håvard Valen Lie premie.
Alle som let seg registrera som besøkjande ved Sveio O-lag sin Kaffipost blei og med i trekking om ein premie. Her vann Luna Mæland.

Trykk her for fleire bilete frå Finn Fram dagen 2013

---

Av Kristian   11.06.13


Årets familiedag i friluft skal Sveio O-lag i år arrangera søndag 16. juni nær Ryvarden fyr mellom klokka 12 og 15.
Parkering skal skje i Mølstrevåg. Deretter føl du turvegen utover mot Ryvarden. Like før du kjem tikl Ryvarden fyr vil du møta Sveio O-lag sin stand, som samtidig er kaffipost for alle som deltar i årets turorientering. Med utgangspunkt i kaffiposten, kor det blir selt kaffi, saft og kaker, blir det tilbod om ei aktivitetsløype med ymse oppgåver, for store og små, innan bruken av kart og kompass. Langs denne aktivtetsløypa vil der vera andre lokale friluftsorganisasjonar, som viser fram sine aktivitetar. Det kan og bli tilbod om ymse servering langs aktivitetsløypa. Alle som gjennomfører aktivtetsløypa og løyser oppgåvene undervegs får tildelt deltakarpremie. Det blir også loddtrekking om premiar blant alle som er innom Sveio O-lag sin kaffipost under årets Finn Fram dag.

---

Av Kristian   19.05.13

Sveio Orienteringslag

inviterer med dette til
Distriktsmeisterskap Vestland 2013
I Ryvarden-marka i Sveio
24. og 25. august 2013
Dette terrenget har aldri før blitt nytta til o-løp!

Innbydinga til Vestlandsmeisterskapet 2013


Påmelding individuelt laurdag 24. august
Påmelding stafett søndag 25. august
Påmelding individuelt søndag 25. august

---

Av Kristian   17.03.13


Fra og med palmesøndag er 70 tur-o-postar klar for besøk. Nytt i år er tur-postar i terrenget langs vegen til Ryvarden fyr.
-Tilbodet er spreidd rundt i heile kommunen frå Tittelsnes i nord og sørover via Førde, Auklandshamn og Fjellstad til Ryvarden, opplyser leiar i Sveio Orienteringslag, Thomas Førde. Han legg til at Sveio O-lag har tatt eit stort løft det siste året med å laga nytt orienteringskart over Ryvarden-marka .
-Dette er største investeringa Sveio O-lag nokon gong har gjort. Nær 300 000 vil det kosta før heile kartet er klart til bruk. Til årets tursesong har laget fått ferdig ein bit av kartet lengst i sør nær Ryvarden fyr. Her ligg nå turpostar klar til besøk i eit spennande terreng, som aldri tidlegare har vore nytta til tur-orientering, seier Førde.
I juni skal Sveio O-lag saman med fleire andre friluftslag og organisasjonar arrangera familiedagen , Finn Fram dagen ved Ryvarden.


|Heile historien|

---

Av Kristian   14.03.13

TURORIENTERING
Sesongstart søndag 24. mars
Familiepakke: 50 tur-o-postar og fem kart klar til bruk.
Barnas o-tur/Nærtrim: Eigen pakke med fire kart og 20 postar

Salet startar torsdag 21. mars på desse stadene:
Haukås Bensinstasjon, Servicetorget i Sveio kommune, Førde Dagligvare og Ryvarden Kulturfyr.

Prøv og det særskilte tilbodet: Foto-O
Arr: Sveio Orienteringslag

---